Gofalwyr

Ydych chi’n ‘derbyn gofal’?

A yw perthynas, ffrind neu gymydog yn helpu i ofalu amdanoch oherwydd eich bod yn sâl, yn fregus, yn anabl, yn dioddef o bryder iechyd meddwl neu’n defnyddio sylweddau problematig ac na allech ymdopi heb eu cymorth? Os felly, yna rydych yn ‘derbyn gofal’ ac yn cael eich cefnogi gan ofalwr di-dâl.

Cymerwch ychydig funudau i ddarllen y nodyn hwn a chwblhau’r ffurflen ar gefn y daflen hon.

Pam y dylech lenwi’r Ffurflen Caniatâd Claf sy’n ‘Derbyn Gofal’

Mae’n bosibl bod y person sy’n gofalu amdanoch (a elwir yn ofalwr di-dâl) wedi cael Ffurflen Gofrestru Meddyg Teulu Gofalwr Di-dâl ar wahân i’w chwblhau. Fodd bynnag, nid yw hyn yn rhoi’r hawl i’r sawl sy’n gofalu amdanoch ofyn am eich gofal iechyd. Mae hyn oherwydd rheolau diogelu data sy’n nodi bod yn rhaid i chi gydsynio i’ch manylion personol gael eu rhannu gyda’ch gofalwr di-dâl.

Fodd bynnag, os byddwch yn llenwi ac yn llofnodi’r ffurflen hon rydych yn rhoi caniatâd i’r feddygfa eich cofnodi fel claf sy’n ‘Derbyn Gofal’. Byddwch hefyd yn adnabod eich gofalwr di-dâl ac yn rhoi caniatâd iddo drafod eich gofal personol gydag aelodau o’ch tîm gofal iechyd. Mae hyn yn arbennig o ddefnyddiol pe bai argyfwng yn codi.

Beth sy’n digwydd pan fyddwch yn dychwelyd y ffurflen wedi’i chwblhau i aelod o staff y feddygfa?

Unwaith y bydd yr aelod o staff y feddygfa wedi gwirio eich bod wedi cwblhau popeth, gofynnir i chi a’ch gofalwr di-dâl lofnodi gwaelod y ffurflen. Bydd yr aelod perthnasol o staff yn sicrhau bod y wybodaeth yn cael ei chofnodi ar system cofnodion cleifion y feddygfa.