Gwybodaeth am Feddygfa St Thomas

Mae'r feddygfa bwrpasol yn darparu 19 o ystafelloedd triniaethau a swyddfeydd, a hynny ar gyfer ein grŵp mawr o feddygon, staff clinigol a staff gweinyddol. Yn arwain o gyntedd flaen fawr ac iddi fynediad i gadeiriau olwyn a thoiledau ar gyfer cleifion, sy'n cynnwys cyfleusterau anabl a chyfleusterau newid babanod, y mae ystafell aros cynllun agored, fawr. Mae yna ddigon o le i barcio naill ai ar St Thomas Green neu ym maes parcio Cae'r Reifflwyr, sydd wedi'i leoli y tu ôl i'r feddygfa. Mae gennym hefyd faes parcio ar gadw ar gyfer gyrwyr anabl, a hynny y tu allan i brif fynedfa'r feddygfa.

Mae desg ein derbynfa yn gartref i sgrin cofrestru cleifion, lle y gall cleifion ymgofrestru pan fyddant yn cyrraedd ar gyfer eu hapwyntiadau. Mae yna ddolen anwytho gludadwy ar gael ar gyfer cleifion sy'n defnyddio cymorth clyw.

Rydym yn Bractis Hyfforddi Meddygon Teulu, sy'n golygu y bydd gennym, fel arfer, gofrestryddion, hyfforddeion Rhaglen Sylfaen 2 (meddygon cwbl gymwysedig yw'r rhain, sy'n hyfforddi i fod yn feddygon teulu), myfyrwyr meddygol, ac, yn aml, weithwyr proffesiynol eraill sy'n ymgymryd â hyfforddiant pellach, yn gweithio yn y tîm. O bryd i'w gilydd, efallai y gofynnir i chi ymgynghori â myfyriwr meddygol; os bydd hyn yn digwydd, byddwch bob tro yn cael eich gweld gan un o feddygon y practis.

Byddwn yn mynd ati i ddiweddaru a datblygu'r adnodd hwn er mwyn ehangu lefel yr wybodaeth a gynigir. Gobeithiwn y bydd ein cleifion a'n hymwelwyr yn ei ystyried yn offeryn addysgiadol a defnyddiol.

Mae gennym hefyd daflen y practis sydd ar gael wrth ddesg y dderbynfa. Mae hon ar gael mewn print bras ar gais.

,