Dewis Doeth Cymru

Mae llosg haul yn ganlyniad i dreulio gormod o amser yng ngolau uwchfioled yr haul (golau UVA ac UVB). Mae llosg haul yn achosi niwed i'r croen, gan gyflymu'r broes heneiddio a thueddu i achosi canser y croen. Dylid atal llosg haul trwy ddefnyddio eli haul ffactor uchel (ffactor 35), a gwisgo hetiau a chrysau T. Efallai y bydd yn ofynnol i blant ddefnyddio elïau haul â ffactor uwch (ffactor 50), ac ni ddylai plant ifanc (iau na blwydd oed) fod allan mewn heulwen danbaid. Dylid trin llosg haul yn yr un modd ag unrhyw losg arall. Yfwch ddigon o ddŵr i osgoi diffyg hylif, a gall defnyddio elïau ôl-haul helpu hefyd.

Mae'r rhain yn aml yn ganlyniad i feirysau, ac nid ydynt yn ymateb i wrthfiotigau. Maent fel arfer yn gwella ymhen ychydig ddiwrnodau, a dylid eu trin trwy gymryd paracetamol yn rheolaidd. Gall garglo â dŵr halen, garglo ag asbirin a bwyta losin gwddf hefyd helpu i leddfu'r anghysur. Gall eich fferyllydd roi triniaethau addas i chi.

Mae hwn eto yn ganlyniad i feirws heintus. Mae'r symptomau'n aml yn dechrau gyda thwymyn ysgafn a syrthni cyffredinol. Mae'r frech yn datblygu trwy ffurfio smotiau bach coch, sy'n aml yn cosi ac yna'n datblygu'n fuan i fod yn bothelli bach. Gellir trin y symptomau trwy gymryd paracetamol yn rheolaidd, a gellir trin y frech â hylif calamin. Gellir trin y cosi â gwrth-histaminau.

Mae'r feirws heintus hwn yn achosi chwydd poenus yn y chwarennau o flaen y clustiau, yn ogystal â thwymyn. Gall cymhlethdodau ddilyn y cyflwr hwn, a gellir ei atal trwy gael brechiad. Dylid trin y symptomau trwy gymryd paracetamol yn rheolaidd.

Mae'r frech hon yn ganlyniad i feirws heintus. Y symptomau yw twymyn, dolur gwddf a brech, sef ardaloedd bach pinc sy'n gorchuddio'r corff, y breichiau a'r coesau. Mae fel arfer yn salwch ysgafn, ond gall fod yn niweidiol i fabanod heb eu geni. Mae pob menyw yn cael ei harchwilio yn ystod beichiogrwydd am ei himiwnedd i frech goch yr Almaen.

Gall y Frech Goch, Clwy'r Pennau a Brech Goch yr Almaen wneud plant yn sâl iawn, ac felly argymhellir yn gryf eu bod yn cael y brechlyn MMR i atal y clefydau hyn. Caiff ei roi fel arfer pan fydd baban yn naw mis oed. Ymgynghorwch â'ch meddygfa os hoffech gael rhagor o gyngor ar y brechlyn hwn.

Mae hon yn ganlyniad i feirws heintus. Mae'r symptomau'n cynnwys twymyn, dolur gwddf, peswch a llygaid dolurus, sy'n aml yn datblygu ddeuddydd cyn i'r frech ymddangos. Fel arfer, bydd yna frech goch flotiog ar yr wyneb a'r corff.
Gellir trin y symptomau trwy gymryd paracetamol yn rheolaidd, a dylid cynghori'r claf i yfed digon o hylifau. Gellir gwella'r peswch trwy gymryd moddion peswch.

Mae dull atal cenhedlu brys (y bilsen bore wedyn) ar gael naill ai gan eich ymarferydd cyffredinol neu'n uniongyrchol gan y fferyllydd. Mae'n effeithiol dim ond os caiff ei chymryd cyn gynted â phosibl ar ôl cael rhyw heb ddiogelwch (cyn pen 72 awr).

Dylech ymgynghori â'ch meddyg neu ymwelydd iechyd i gael cyngor ar atal cenhedlu.